Gustav & Elke bespreek dinosourusse

Ek het het vandag fotos gaan neem met my splinternuwe Nikon D90. Die kamera is die 1ste DSLR wat video kan neem maar dis glad nie hoekom ek hom gekoop het nie. Ek het niks verwag van die video nie, maar toe Elke en Gustav in die bootjie gesit en gesels het het ek gedink dis ‘n goeie geleentheid om te kyk hoe goed die video funksionaliteit is.

Ek was aangenaam verras. Ek het op die kleinste format 640 x 480 geneem en ek dink die kwalitieit is heel goed. Dit was bewolk gewees, maar soos julle kan sien was die beeld baie goed en lekker skerp.

Die video self is baie snaaks – veral die einde! 😉

Afrikaners vs Suid-Afrika

Hierdie skrywe is kommentaar op Of generations, arseholes, Isreal and volkstate, ‘n uitmindende weldeurdagte skrywe deur Mhambi, en sy kommentaar.

‘n Mens (lees Marthinus) moet nie jou kop breek oor die woord liberalisme nie. Dis semantics. In sekere gevalle is liberalisme nie ‘n slegte ding nie. Maar ek stem 100% saam met jou dat “unquestioning tolerance” ook nie gesond is nie. Op die oomblik is almal gefokus op “verdraagsaamheid” dit en “verdraagsaamheid” dat. Maar ek wil nie ‘n kultuur wat moor en roof en verkrag verdra nie. Ek gee nie om hoe polities inkorrek dit is nie. Dis onaanvaarbaar dat Suid-Afrikaners (wit & swart) daagliks moet vrees vir hulle lewens. En net Swartmense, dmv demokrasie, kan dit uitsorteer. Dit maak my bekommerd want in die res van Afrika kon hulle dit nog nie uitsorteer nie.

Mhambi jy skryf rêrig goed. Die een ding waarmee ek nie saamstem nie is oor die gesondheid van die Afrikaner. Ek dink ons is in ‘n beter toestand as wat mense besef. Kyk ‘n bietjie na besigheid, sport (selfs krieket) & kultuur (oukei behalwe vir ou Steve). Die Afrikaner laat hom geld.

Ek stry ook nie dat ons Moerse struikelblokke in die land het nie. Maar ons het rêrig nêrens anders om heen te gaan nie (ek was 8 jaar in Londen en ek belowe jou daar is maar een land vir Afrikaners en dis Suid-Afrika). Dit gaan nie maklik wees nie, maar juis die feit dat ons nêrens heen het om die gaan nie het ‘n huge bearing op die Afrikaner se toekoms. Ons moet dit maak werk. Ek dink baie Afrikaners, soos ek, sien dit as ‘n positiewe uitdaging.

Ek is ‘n moerse trotse Afrikaner. Delarey, Paul Kruger, FW de Klerk en selfs Charlize Theron is my helde. Maar ek is ook ‘n trotse Suid-Afrikaner. Bryan Habana, Nelson Mandela, Aggrey Klaaste en Prince Mashele is ook my helde. Myns insiens kan jy altwee wees: Afrikaner en Suid-Afrikaner. Maar dit beteken nie ‘n mens moet die k@k wat die ANC (of wieookal) praat aanvaar nie. En dit beteken nie dat ‘n mens die slegte dinge van die Swart kultuur moet aanvaar nie.

Afrikaans op SA TV

Tans is daar ongelukkig meer sleg as goeie Afrikaanse programme op Suid-Afrikaanse TV.

Die SABC se Afrikaanse dekking sou snaaks gewees het as dit nie so ernstig was nie. Hulle verkrag eenvoudig ons taal. Kim Cloete kan NIE Afrikaans praat nie en tog gee sy verslag op omtrent elke 2de item op die Afrikaanse nuus. Dit is eerlikwaar ‘n aanval op Afrikaners se konstitusionele regte. Die enigste Afrikaanse SABC program wat my aandag nog kan hou is 50/50.

MNet (deur Kyknet) probeer darem, maar daar is hopeloos te veel gemors. Die sepies is natuurlik die heel ergste. Villa Rosa, Begeertes, Binnelanders en (die mees patetiese van almal) Plek van die Vleisvreters wys net weereens hoe sleg sepies en toneelspel kan raak.

Nog ‘n swak advertensie vir vermaaklikheid is die vreeslike vervelige Saterdagnag waar in drie tewe die hele aand lank “bitch” oor hoekom Pretoria beter of slegter as Johannesburg is. Gaap!

Gelukkig is daar hoop. Uitstekende programme soos Groen met die uitmuntende Dave Pepler, Roer, Kwela, Tuin, Laat Wiel en Wat’s die Storie wys die pad aan.

Soos George Bush en die Amerikaners is ons self die skuldiges. Afrikaners moet stem met hul voete en net nie die gemors kyk nie. MAAR dit is makliker gesê as gedaan!!

Update (5 Julie 2007): Nee wat daar is nie eintlik enige hoop nie; net meer twak. Oor die Kole, Glitterati en Hester en Ester Bester (behalwe vir die sexy Marisa Bosman) is almal shows wat erg treurig is. Rian met Rian is nie sleg nie.

Blog at WordPress.com.

Up ↑