Afrikaners vs Suid-Afrika

Hierdie skrywe is kommentaar op Of generations, arseholes, Isreal and volkstate, ‘n uitmindende weldeurdagte skrywe deur Mhambi, en sy kommentaar.

‘n Mens (lees Marthinus) moet nie jou kop breek oor die woord liberalisme nie. Dis semantics. In sekere gevalle is liberalisme nie ‘n slegte ding nie. Maar ek stem 100% saam met jou dat “unquestioning tolerance” ook nie gesond is nie. Op die oomblik is almal gefokus op “verdraagsaamheid” dit en “verdraagsaamheid” dat. Maar ek wil nie ‘n kultuur wat moor en roof en verkrag verdra nie. Ek gee nie om hoe polities inkorrek dit is nie. Dis onaanvaarbaar dat Suid-Afrikaners (wit & swart) daagliks moet vrees vir hulle lewens. En net Swartmense, dmv demokrasie, kan dit uitsorteer. Dit maak my bekommerd want in die res van Afrika kon hulle dit nog nie uitsorteer nie.

Mhambi jy skryf rêrig goed. Die een ding waarmee ek nie saamstem nie is oor die gesondheid van die Afrikaner. Ek dink ons is in ‘n beter toestand as wat mense besef. Kyk ‘n bietjie na besigheid, sport (selfs krieket) & kultuur (oukei behalwe vir ou Steve). Die Afrikaner laat hom geld.

Ek stry ook nie dat ons Moerse struikelblokke in die land het nie. Maar ons het rêrig nêrens anders om heen te gaan nie (ek was 8 jaar in Londen en ek belowe jou daar is maar een land vir Afrikaners en dis Suid-Afrika). Dit gaan nie maklik wees nie, maar juis die feit dat ons nêrens heen het om die gaan nie het ‘n huge bearing op die Afrikaner se toekoms. Ons moet dit maak werk. Ek dink baie Afrikaners, soos ek, sien dit as ‘n positiewe uitdaging.

Ek is ‘n moerse trotse Afrikaner. Delarey, Paul Kruger, FW de Klerk en selfs Charlize Theron is my helde. Maar ek is ook ‘n trotse Suid-Afrikaner. Bryan Habana, Nelson Mandela, Aggrey Klaaste en Prince Mashele is ook my helde. Myns insiens kan jy altwee wees: Afrikaner en Suid-Afrikaner. Maar dit beteken nie ‘n mens moet die k@k wat die ANC (of wieookal) praat aanvaar nie. En dit beteken nie dat ‘n mens die slegte dinge van die Swart kultuur moet aanvaar nie.

iPhone kom Suid Afrika toe

Ek is ‘n groot aanhanger van Apple se goed. In Engeland het ek ‘n Nano gekoop en dit was fantasties – ek gebruik hom nou nog; by die werk gebruik ons iTunes as ons musiekspeler en ek het onlangs oorgeskakel na Safari as my amptelike browser. Apple se ontwerp is net eenvoudig die beste , selfs beter as Microsoft (wat ook uitstekend is).

So ek is baie opgewonde oor die nuus dat Apple saam met Vodafone die iPhone in Suid-Afrika gaan versprei. Ek is juis besig om te kyk na ‘n nuwe selfoon. My Samsung D500 is ‘n lekker klein foontjie maar hy is al oud en sy Internet funksionaliteit is beperk. Uit die aard gaan ek nou maar wag om my selfoon te vervang tot die iPhone uit is.

Kyk ook na Apple se iPhone site.

Wat ook nice is is hierdie Golf Scorecard programmetjie. Ek sal dit beslis kan gebruik.

Blog at WordPress.com.

Up ↑